საქართველოში ბრიტანული ავიაკომპანია easyJet შემოდის, - ამის შესახებ Independent-ი წერს.

Independent-ის ცნობით, "დიდი ბრიტანული უმსხვილესი ბიუჯეტური ავიაკომპანია easyJet ლუტონის აეროპორტიდან თბილისში ფრენებს 2025 წლის აპრილიდან დაიწყებს და ეს პირველი კავშირი იქნება ყოფილი საბჭოთა რესპუბლიკის დედაქალაქთან".

ბრიტანული ავიაკომპანია ლუტონსა და თბილისს კვირაში ორჯერ, სამშაბათსა და შაბათს იფრენს. ავიაკომპანია თბილისიდან ფრენებს ჟენევისა და მილანის მიმართულებითაც შეასრულებს.

Independent-ი წერს, რომ ფრენა ლუტონიდან თბილისის მიმართულებით 6 საათს, ხოლო თბილისიდან ლუტონის მიმართულებით 6 საათსა და 40 წუთს გაგრძელდება.