რუსეთის სახელმწიფო კორპორაცია როსატომი სომხეთსა და საქართველოში მცირე ჰესების მშენებლობას გეგმავს.

ინფორმაციას ტასს ავრცელებს, რომელსაც როსატომის გენერალური დირექტორი, ეგენი სალიკოვი ესაუბრა.

"მიზნად დავისახეთ, 10 მეგავატამდე მცირე ჰიდროელექტროსადგურის აშენება რუსეთის ყველა რეგიონში. ჩვენს გეგმებში ასევე შედის მცირე ჰესების მშენებლობა სომხეთსა და საქართველოში", — განაცხადა სალიკოვმა.

ამავდროუალად, აშშ-ს კონგრესი როსატომის სანქცირების აქტს განიხილავს.

17 სექტემბერს ცნობილი გახდა, რომ როსატომ სერვისმა, რომელიც როსატომის ელექტროენერგიის განყოფილებას წარმოადგენს, რუსულ-ყირგიზეთის განვითარების ფონდთან და შპს ალფა ოილთან, ყირგიზეთის ჯალალ-აბადის რეგიონში, 30 მგვტ-მდე სიმძლავრის ჰიდროელექტროსადგურის მშენებლობას მოაწერა ხელი.

როსატომი ატომური ენერგიის კორპორაციაა, რომელიც რუსეთის ენერგეტიკის, მექანიკური ინჟინერიისა და სამშენებლო სექტორის აქტივებს აერთიანებს.