რუსეთმა ბრიტანელი დიპლომატები ჯაშუშობაში დაადანაშაულა და აკრედიტაცია შეუჩერა, — ამის შესახებ BBC წერს.

"ჩვენ მივიღებთ შესაბამის გადაწყვეტილებებს იმ საფრთხეებიდან გამომდინარე, რაც შეიქმნება", — განაცხადა პუტინმა.

პარასკევს რუსეთმა 6 ბრიტანელი დიპლომატს აკრედიტაცია გაუუქმა და ისინი "დივერსიულ საქმიანობაში" დაადანაშაულა.

რუსეთის უსაფრთხოების სამსახურმა განაცხადა, რომ აქვთ დოკუმენტები, რომლის მიხედვითაც აჩვენებს, რომ ბრიტანეთის საგარეო საქმეთა სამინისტრო კოორდინაციას უწევს პოლიტიკური და სამხედრო სიტუაციის ესკალაციას და დავალებული აქვს უკრაინის წინააღმდეგ ომში რუსეთის სტრატეგიული დამარცხების უზრუნველყოფა.

"ამგვარად, გამოვლენილი ფაქტები იძლევა იმის საფუძველს, რომ დირექტორატის მიერ მოსკოვში გაგზავნილი ბრიტანელი დიპლომატების საქმიანობა რუსეთის ფედერაციის უსაფრთხოებისთვის საფრთხის შემცველად მივიჩნიოთ", — ნათქვამია ეფესბეს განცხადებაში.

პრეზიდენტ პუტინის ბოლო განცხადებების ტონიდან ირკვევა, რომ რუსეთის ტერიტორიის დასავლური სარაკეტო სისტემების სამიზნედ ქცევა კონფლიქტს ახალ დონეზე გადაიყვანს.

საერთაშორისო საინფორმაციო სააგენტოების ხელმძღვანელებთან შეხვედრაზე პუტინს ჰკითხეს: როგორ მოიქცეოდა რუსეთი, თუ უკრაინას მიეცემოდა შესაძლებლობა ესროლა ევროპის მიერ მიწოდებული იარაღით რუსეთის ტერიტორიაზე?

„პირველ რიგში, ჩვენ, რა თქმა უნდა, გავაუმჯობესებთ ჩვენს საჰაერო თავდაცვის სისტემებს. ჩვენ გავანადგურებთ მათ რაკეტებს.

მეორე, ჩვენ გვჯერა, რომ თუ ვინმე ფიქრობს, რომ შესაძლებელია ასეთი იარაღის მიწოდება საომარ ზონაში, რათა დაარტყას ჩვენს ტერიტორიას, რატომ არ შეგვიძლია მივაწოდოთ იგივე ტიპის იარაღი იმ რეგიონებს და მათ გამოიყენონ ისინი დასავლური ქვეყნების წინააღმდეგ?" — უპასუხა პრეზიდენტმა პუტინმა.