10 სექტემბერს, თბილისის საქალაქო სასამართლომ აგენტების კანონის საწინააღმდეგო აქციაზე, პარლამენტის შენობის წინ დროებითი რკინის კონსტრუქციის დაზიანების ბრალდებით, 23 წლის საბა მეფარიშვილი ადმინისტრაციული წესითაც დააჯარიმა.

სასამართლოს მოსამართლემ ირაკლი ჩიკაშუამ მეფარიშვილი 2000 ლარით დააჯარიმა. პროცესი 16 აგვისტოს გაიმართა.

როგორც რადიო თავისუფლებას არასამთავრობო ორგანიზაცია დემოკრატიის კვლევის ინსტიტუტის (DRI) ადვოკატმა ნათია კონიაშვილმა განუცხადა, ადმინისტრაციული სისხლის სამართლის საქმეები ერთსა და იმავე დღეს — 14 მაისს უკავშირდება. მაშინ, პარლამენტმა მესამე მოსმენით ე.წ აგენტების კანონი მიიღო.

წყაროს თქმით, რკინის კონსტრუქციის დაზიანების დროს, მეფარიშვილი ადმინისტრაციული წესით, 166-ე (წვრილმანი ხულიგნობა) და 173-ე (პოლიციის მოთხოვნისადმი დაუმორჩილებლობა) მუხლებით დააკავა. დღენახევარში გაათავისუფლეს. თუმცა, 16 მაისს მეორედ დააკავეს და სისხლის სამართლის წესით ბრალიც წარუდგინეს.