Al-Jazeera-ს ინფორმაციით, ისრაელმა საჰაერო იერიში მიიტანა პალესტინის ხალხმრავალ ბანაკებზე, სადაც ომის შედეგად გადასახლებული მოსახლეობა ცხოვრობდა. შედეგად, სულ ცოტა, 19 ადამიანი მოკვდა, 60 დაშავდა.

მედიის ცნობით, თავდასხმა 10 სექტემბრის დილას მოხდა, რომელსაც "სამშვიდობო ბანაკში" მსხვერპლი მოჰყვა.

პალესტინელი სახალხო დამცველის თქმით, ჯერ-ჯერობით, 19 ცხედარია აღმოჩენილი, ხოლო დანარჩენი იძებნება. მან ასევე დასძინა, რომ თავდასხმამ ბანაკში მყოფი ოჯახები სრულად იმსხვერპლა.

მედიის ინფორმაციით, მაშველები შიშველი ხელებით, ტელეფონის ფანრების გამოყენებით, ქვიშაში ეძებდნენ სხეულებს, შედეგად კი სხეულის სხვადასხვა ნაწილები ამოჰქონდათ.

ისრაელის განცხადებით, თავდასხმა ტერორისტულ დაჯგუფება ჰამასზე განახორციელეს, რომელიც იმ ტერიტორიაზე სამხედრო ოპერაციებს ატარებდა. მოგვიანებით პალესტინის დაჯგუფებამ განცხადება გამოაქვეყნა და იმ ტერიტორიაზე ყოფნა საერთოდ უარყო.

ღაზაში მიმდინარე ომმა ქვეყნის ფართომასშტაბიანი განადგურება გამოიწვია. 2.3 მილიონიანი მოსახლეობიდან დაახლოებით 90% გადაასახლა.საევაკუაციო ბრძანების შედეგად ასი ათასობით მშვიდობიანი მოსახლე ალ-მასავში გადასახლდა.

ისრაელმა არაერთხელ ამოიღო მიზანში ის ჰუმანიტარული ზონები, სადაც პალესტინელი მოსახლეობა უსაფრთხოების მიზნით "უსაფრთხო ზონაში" თვითონ გადაიყვანა.


ბოლო მონაცემებით, დაბომბვის შედეგად 40 ადამიანი გარდაიცვალა.