რადიო თავისუფლების რუსული სამსახურის ინფორმაციით, ბუდაპეშტის საფონდო ბირჟის ვებგვერდზე გამოქვეყნდა განცხადება იმის შესახებ, რომ უნგრულმა კომპანია MOL Group-მა რუსული ნავთობის მიმწოდებლებთან და მილსადენების ოპერატორებთან გააფორმა შეთანხმება, რაც უკრაინასა და ბელორუსიის გავლით, მილსადენ "დრუჟბის" საშუალებით, უნგრეთსა და სლოვაკეთში რუსული ნავთობის მიწოდებას ითვალისწინებს.

ევროკავშირის სანქციებიდან გამომდინარე, 2023 წლის შუა რიცხვებიდან ევროპაში, მილსადენის ჩრდილოეთ შტოს გავლით, რუსული ნავთობის მიწოდება შეწყდა. ჩრდილოეთ განშტოება ბელარუსის გავლით პოლონეთსა და გერმანიას უკავშირდება.

მედიის თქმით, ევროკომისიამ სლოვაკეთს ნავთობის მიწოდების ალტერნატიული ვარიანტების გამოყენება ურჩია, როგორიცაა ხორვატია. რაზეც უნგრეთის საგარეო საქმეთა მინისტრმა პიტერ სიიარტომ თქვა, რომ ხორვატია, როგორც სატრანზიტო ქვეყანა სანდო არაა. "დრუჟბის" მილსადენით მიწოდებული ნავთობი კი უნგრეთისთვის სასიცოცხლოდ მნიშვნელოვანია.