აზერბაიჯანის პრეზიდენტისა და ყაზახეთის ლიდერს შორის გამართული სატელეფონო საუბრის შემდეგ, ილჰამ ალიევის პრესსამსახურმა გაავრცელა განცხადება, სადაც ალიევი თანხმობას აცხადებს სომხეთთან სამშვიდობო მოლაპარაკებების ყაზახეთში გამართვაზე.

პრესრელიზში წერია, რომ ასტანა მზადაა იმისთვის, რომ სომხეთსა და აზერბაიჯანს შორის სამშვიდობო შეთანხმებაზე მოლაპარაკებებს უმასპინძლოს. აზერბაიჯანის პრეზიდენტმაც წინადადებაზე თანხმობა განაცხადა.

ბაქოსა და ერევანს შორის სამშვიდობო შეთანხმების შესახებ სომხეთის პრემიერ-მინისტრმაც გააკეთა კომენტარი და აღნიშნა, რომ ორ ქვეყანას შორის არსებული სამშვიდობო შეთანხმების 13 მუხლი შეთანხმებულია.

ფაშინიანი სურვილს გამოთქვამს, რომ შეთანხმებულ მუხლებს რაც შეიძლება მალე მოაწერონ ხელი.

მისივე თქმით, შეთანხმებული მუხლების წინადადება "აზერბაიჯანსა და სომხეთ შორის დიპლომატიური ურთიერთობების გამყარებაა".

ფაშინიანის განმარტებით, აზერბაიჯანთან დამაკავშირებელი, სომხეთის ტერიტორიაზე არსებული სატრანსპორტო კომუნიკაციების უსაფრთხოება, სომხურმა მხარემ უნდა დაიცვას.