უკრაინამ რუსეთის დედაქალაქ მოსკოვზე დრონებით თავდასხმა სცადა, თუმცა, საჰაერო თავდაცვის ძალებმა უპილოტო საფრენი აპარატები მოსკოვამდე არ მიუშვეს, 14 უპილოტო საფრენი აპარატი ჩამოაგდეს ოლქის ქალაქებში: პოდოლსკში, რამენსკოეში, ლიუბერციში, დომოდედოვოსა და კოლომნაში, — ამის შესახებ ინფორმაცია ადგილობრივმა ხელისუფლებამ გაავრცელა.

რუსეთის თავდაცვის სამინისტროს ინფორმაციით, გასულ ღამეს რუსეთის საჰაერო თავდაცვის ძალებმა 144 უკრაინული უპილოტო საფრენი აპარატი ჩამოაგდეს ქვეყნის ცხრა რეგიონის თავზე, მათ შორის, მოსკოვის ოლქში.

მოსკოვის ოლქის გუბერნატორი ანდრეი ვორობიოვმა ტელეგრამ-არხზე დაწერა, რომ რამენსკოეში უკრაინის შეიარაღებული ძალების დრონებით თავდასხმის შედეგად 46 წლის ქალი დაიღუპა და ოთხი ადამიანი დაშავდა.