დეა კულუმბეგაშილის ფილმმა აპრილი ვენეციის კინოფესტივალზე ჟიურის სპეციალური პრიზი მიიღო. ფილმში მთავარ როლებს: ია სუხიტაშვილი, მერაბ ნინიძე და კახა კინწურაშვილი ასრულებენ.

დეა კულუმბეგაშვილი

დეა კულუმბეგაშვილი

ფილმი გვიამბობს მეან ქალ ნინაზე, რომელიც თანასოფლელებს ჩუმად აბორტს უკეთებს. ფილმის რეჟისორის თქმით, აპრილის იდეა წინა ფილმ — "დასაწყისზე" მუშაობისას გაუჩნდა, როდესაც კასტინგის მიზნით რეგიონებში იმოგზაურა და სოფლებში ქალების პრობლემები გაიცნო.

ფილმზე მსოფლიოში წამყვანმა გამოცემებმა: Vogue-მ, Guardian-მა, Hollywood Reporter-მა და Variety-მა უკვე მიუძღვნეს რეცენზიები. ისინი აპრილს დადებითად აფასებენ და კინოფესტივალზე ერთ-ერთ ყველაზე ძლიერ ფილმად იხსენიებენ.

მიხეილ ჭიაურელის, ლანა ღოღობერიძისა და ოთარ იოსელიანის შემდეგ დეა კულუმბეგაშვილი მეოთხე ქართველი რეჟისორია, რომელიც ვენეციის საერთაშორისო კინოფესტივალის მთავარ კონკურსში მონაწილეობს.