დღეს, საქართველო-ჩეხეთის მატჩის დაწყებამდე, ქართველი ოლიმპიელები და პარაოლიმპიელები მესხის სტადიონზე ქართველი გულშემატკივრის წინაშე წარდგებიან, — ამის შესახებ ინფორმაციას ეროვნული ნაკრები ავრცელებს.

შეგახსენებთ, რომ საქართველო-ჩეხეთის მატჩი დღეს მიხეილ მესხის სტადიონზე 20:00 საათზე დაიწყება.

ეროვნული ნაკრები გულშემატკივრებს მოუწოდებს, რომ ადრე მივიდეს სტადიონზე, რომ შესაძლებლობა მიეცეს, ერთად გადაუხადონ მადლობა სახელოვან სპორტსმენებს. ღონისძიება 19:45 საათზე დაიწყება.