სლოვაკეთის პრემიერ-მინისტრი, რობერტ ფიცო, მასზე განხორციელებული თავდასხმიდან ოთხი თვის შემდეგ, სლოვაკეთის ქალაქ ჰანდლოვაში ჩავიდა. სწორად ჰანდლოვაში ესროლა ცეცხლსასროლი იარაღით შეიარაღებულმა მამაკაცმა მას ხუთჯერ.

ფიცომ განაცხადა, რომ ჰანდლოვაში მოგონებების გამო არა, სტანდარტული სამუშაო ვიზიტით ჩამოვიდა.

"მე ტრავმა მაქვს, მაგრამ არა თავდასხმის გამო. ტრავმირებული ვარ ოპოზიციით და ზოგიერთი მედიასაშუალებით, რადგან ისინი ქმნიან ანალოგიური ისტორიის რეპეტიციის გარემოს. ამის მეშინია ყველაზე მეტად, არაერთხელ ვთქვი ეს. მე აქ მოგონების გამო არ მოვსულვარ, ჩამოვედი აქ სტანდარტული სამუშაო ვიზიტით და მოხარული ვარ, რომ ასეთი კარგი ატმოსფერო დამხვდა“, – განაცხადა ფიცომ.

შეგახსენებთ, რომ სლოვაკეთის პრემიერ-მინისტრზე თავდასხმა ქალაქ ჰანდლოვაში 15 მაისს მოხდა.