კოალიცია ძლიერმა საქართველომ წინასაარჩევნო პროგრამა "ილიას გზა" წარადგინა.

პროგრამის თანახმად, კოალიციას, რომელიც ლელოს, თავისუფლების მოედანს, მოქალაქეებს და ანა დოლიძე – ხალხისთვის აერთიანებს, სურს დააწესოს რიგი შეზღუდვები რუსეთის მოქალაქეებისთვის და რუსული ბიზნესისთვის.

კონკრეტულად, რუსეთის მოქალაქეებს უნდა აეკრძალოთ საქართველოში მიწის ყიდვა, კომპანიებს კი ტენდერებში მონაწილეობა. ასევე, უნდა დაწესდეს "საოკუპაციო მოსაკრებელი" რუსული ბიზნესისთვის. ასევე, უნდა აიკრძალოს პირდაპირი ავიამიმოსვლა საქართველო-რუსეთს შორის.

კოალიცია ასევე აცხადებს, რომ აქვს გეგმა 200 ათასი სამუშაო ადგილის შესაქმნელად და პენსიის 1000 ლარამდე ზრდისთვის.