პირველი იანვრიდან, უკრაინის ტერიტორიაზე დრუჟბას ნავთობსადენით რუსული ნავთობის ტრანზიტი შეწყდება, — ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმა განაცხადა.

"გარდა გაზისა, 2025 წლის 1-ელი იანვრიდან მუშაობას დრუჟბას ნავთობსადენიც შეწყვეტს. ევროპის ქვეყნები — სლოვაკეთი, ჩეხეთი და უნგრეთი-რუსულ ნავთობს ამ ნავთობსადენით იღებს, მაგრამ ევროკავშირის რეზოლუციის თანახმად, ამ ქვეყნებმა ნავთობის მიწოდების დივერსიფიკაცია უნდა მოახდინო და უკრაინის გავლით ტრანზიტი უნდა შეწყვიტონ“, — განაცხადა პოდოლიაკმა.

მისი თქმით, 2025 წლის 1-ელი იანვრიდან გაზის ტრანზიტი შეწყდება, თუმცა თუ ევროპის ქვეყნებს ყაზახური ან აზერბაიჯანული გაზი დასჭირდებათ, მაშინ უკრაინა ტრანსპორტირებისთვის მზადაა.