სამხრეთ კორეელი მომღერალმა ტაეილმა კეი-პოპ ბენდი NCT მას შემდეგ დატოვა, რაც სექსუალურ ძალადობაში დასდეს ბრალი. ინფორმაციას მისი მენეჯმენტი, SM Entertainment ავრცელებს.

30 წლის მუსიკოსის სააგენტომ სოციალურ ქსელ X-ზე პოსტი გამოაქვეყნა, სადაც ვკითხულობთ, რომ NCT-ს წევრი ბოი ბენდს ტოვებს, რადგან "ბრალი ედება კრიმინალურ საქმეში მონაწილეობაში, რომელიც სექსუალურ ძალადობას უკავშირდება."

SM Entertainment-ს დანაშაულის კონკრეტული დეტალები არ გაუმხელია, თუმცა მათ განცხადებაში ნათქვამია, რომ კომპანია აცნობიერებს სიტუაციის სერიოზულობას და გადაწყვიტეს, რომ ტაეილი, რომლის სრული სახელი მუნ ტაე-ილია, ჯგუფთან ერთად აქტივობებში მონაწილეობის მიღებას ვეღარ შეძლებდა.

ტაეილის სააგენტოს წარმომადგენელთა თქმით, ის პოლიციასთან თანამშრომლობს და ამჟამად საქმის გამოძიება მიმდინარეობს. "გამოძიების წინსვლასთან ერთად, დამატებით ინფორმაციას შეგატყობინებთ" — ნათქვამია კომპანიის განცხადებაში.

ამ დრომდე ტაეილს ბრალდებებზე საჯარო კომენტარი არ გაუკეთებია.