საგარეო საქმეთა მინისტრების შეხვედრა, საზაფხულო შესვენების შემდეგ, პირველად გაიმართება და მის დღის წესრიგშიც უკრაინაა.

ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში შეხვედრის წინ წამოაყენა წინადადება, რომ ისრაელის მთავრობის წევრებს სანქციები დაუწესოს. სანქციის მოთხოვნა ისრაელის ფინანსთა მინისტრ ბაცალელ სმოტრიჩსა და პოლიციის უფროს იტამან ბენ-გვირს უკავშრდება.

რამდენიმე დღის წინ, ბორელმა პალესტინაში 3-დღიანი ცეცხლის შეწყვეტა მოითხოვა, იმისთვის რომ დაავადებული ადამიანების ვაქცინაცია უსაფრთხოდ იყოს შესაძლებელი. მანვე განაცხადა, რომ ამ თემას საგარეო მინისტრების შეხვედრაზეც წამოაყენებს.

ჯოზეფ ბორელი ითხოვს, რომ სამი დღით დაუყონებლივ შეწყდეს ცეცხლი ღაზაში

ბორელის გადაწყვეტილება ორივე ისრაელელი მემარჯვენე ექსტრემისტი პოლიტიკოსის რადიკალურ მოთხოვნებს მოჰყვა. მათ სურთ, რომ ღაზის სექტორის მოსახლეობას ჰუმანიტარული დახმარების მიწოდება შეუწყდეთ, თუნდაც ამას ორი მილიონი ადამიანის სიკვდილი მოჰყვეს.

ბორელი ისრაელელი პოლიტიკოსების სანქცირებას სიძულვილის გაღვივების და ადამიანის უფლებების დარღვევის გამო გეგმავს.

სმოტრიჩსა და ბენ-გვირის სანქცირების შემთხვევაში, აეკრძალებათ ევროკავშირის ქვეყნებში მოგზაურობა და გაეყინებათ არსებული ქონება.