ინგუშეთში დააკავეს 6 ადგილობრივი რომლებიც, რუსეთის ფედერალური უსაფრთხოების სამსახურის განცხადებით, ქალაქ სუნჟაში ტერაქტს გეგმავდნენ.

FSB-ს მტკიცებით, ისინი აკრძალული ტერორისტული ორგანიზაციის წევრები არიან. ეჭვმიტანილები ქალაქ ნაზრანსა და სოფელ კანტიშევოში აიყვანეს. ბრალდებულთა სახლებიდან ამოღებულია ხელნაკეთი ასაფეთქებელი დანადგარები, ცეცხლსასროლი და ცივი იარაღი, ტერორისტული ორგანიზაციის სიმბოლიკა და ურბანულ და ტყიან გარემოში ბრძოლის სახელმძღვანელო.

რუსეთში, ბოლო ტერორისტულ თავდასხმას, რომელიც რადიკალ ისლამისტებმა მოსკოვის მახლობლად, კროკუს სითი ჰოლში მოაწყეს 140-ზე მეტი ადამიანი ემსხვერპლა.

თავდასხმაზე პასუხისმგებლობა ISIS-ის ხორასნის ვილაიეთმა აიღო.