საქართველოს ლატარიის კომპანია იხურება. კომპანიის გათამაშებაში მონაწილეობის მიღება 2017 წლის პირველი სექტემბრის ჩათვლით იქნება შესაძლებელი.

კომპანიაში ამბობენ, რომ ბოლო გათამაშების დღეს გამარჯვებულებზე გადანაწილდება საპრიზო ფონდი, მათ შორის სარეზერვო ფონდში არსებული თანხა.

"გათამაშებისას მომხმარებლებს მიეცემათ შანსი, სხვადასხვა საპრიზო კატეგორიაში სოლიდური თანხების მფლობელები გახდნენ", - აღნიშნავენ კომპანიაში და დასძენენ, რომ კომპანია, ლოტოს ბოლო გათამაშების ორგანიზებისა და მოგების განაღდების პროცედურების დასრულების შემდგომ, შეწყვეტს საქმიანობას.

შპს საქართველოს ლატარიის კომპანიის 70 პროცენტს სახელმწიფო ფლობს.