ხარ ფინანსებითა და მეწარმეობით დაინტერესებული? მაშინ, შემოუერთდი საქართველოს ეროვნული ბანკისა და მის მიერ შექმნილი ფინანსური განათლების პლატფორმის, ფინედუს კონკურსს, რომელიც ახალგაზრდების საერთაშორისო დღესთან დაკავშირებით უკვე მეოთხედ ტარდება.

საქართველოს ეროვნული ბანკი ფინანსური განათლების ხელშეწყობას განაგრძობს. სწორედ ამ მიზნით ფინანსური ინსტიტუტი არაერთ ინიციატივას ახორციელებს და უჭერს მხარს.

ახალგაზრდებში ფინანსური განათლების დონის ამაღლებისა და მეწარმეობის პოპულარიზაციის მიზნით, ეროვნული ბანკი კონკრუსს ახალგაზრდები ფინანსებსა და მეწარმოებაზე ახორციელებს. კონკურსის მხარდამჭერები ბაზისბანკი, კრედობანკი და მიკროსაფინანსო ორგანიზაცია მიკრო ბიზნეს კაპიტალი არიან.

ეროვნული ბანკის ინიციატივა პარტნიორ ორგანიზაციებთან ერთად საზოგადოების წინაშე არსებული გამოწვევების გამკლავებაში ახალგაზრდების მნიშვნელობის როლის აღნიშვნასა და მათ წახალისებას ემსახურება.

ვის შეუძლია მონაწილეობის მიღება?

თუ შენი ასაკი 18-29 წელია და 1995 წლის 01 იანვრიდან 2006 წლის 12 აგვისტოს ჩათვლით, მაშინ კონკურსში მონაწილეობის მიღება თამამად შეგიძლია. გაითვალისწინე, რომ ერთი კონკურსანტის მიერ წარმოდგენილი ვიდეოების რაოდენობა შეზღუდული არაა, თუმცა, გამარჯვებულად ერთი კონკურსანტი შესაძლოა დასახელდეს მხოლოდ ერთხელ.

როგორ მივიღო კონკურსში მონაწილეობა?

კონკურსში მონაწილეობისთვის საჭიროა 31 აგვისტოს ჩათვლით შექმნა/ჩაწერო ვიდეო საკონკურსე დავალების შესაბამისად, გამოაქვეყნო ის ერთ რომელიმე სოციალურ ქსელში — Facebook-ზე, Instagram-ზე, Linkedin-ზე ან/და TikTok-ზე ტექსტით “ვიღებ მონაწილებას ფინედუს კონკურსში — “ახალგაზრდები ფინანსებსა და მეწარმეობაზე“ და გაგზავნო მეილზე: [email protected]

საკონკურსი ვიდეოსთან დაკავშირებით დამატებითი ინფორმაციის მიღებას ამ ბულზე შეძლებ.

როგორ გამოვლინდება გამარჯვებული?

ვიდეოკონკურსის ფარგლებში ნამუშევრების მიღება 31 აგვისტოს ჩათვლით გრძელდება. კონკურსის პირველ ეტაპზე გამოვლინდება 10 ფინალისტი ვიდეო, 27 სექტემბერს კი ჟიური გამოავლენს 3 გამარჯვებულ ნამუშევარს, ხოლო კატეგორიაში მომხმარებლის რჩეული გამარჯვებული გამოვლინდება ფინედუს ოფიციალურ Facebook გვერდზე გამოქვეყნებულ ვიდეოებზე მომხმარებელთა რეაქციების რაოდენობის შესაბამისად.

კონკურსის ფარგლებში შერჩეული ვიდეოები, ფინედუს ვებ-გვერდსა და მის სოციალურ არხებში გამოქვეყნდება და ახალგაზრდა თაობაში ფინანსური განათლების შესახებ ცნობიერების ამაღლებას შეუწყობს ხელს.

“ახალგაზრდები ფინანსებსა და მეწარმეობაზე“ ვიდეოკონკურსში მონაწილეობის შესახებ დეტალურ ინფორმაციას მიიღებთ მოცემულ გვერდზე.