ირაკლი კობახიძემ საპარლამენტო არჩევნებში თბილისში, პარტიის 8 დელეგატი წარადგინა. აქედან 3 სპორტსმენია, მეოთხე კი ფეხბურთის ფედერაციის ვიცე-პრეზიდენტია.

მთაწმინდა-კრწანისი — მოქმედი დეპუტატი, დავით კაჭარავა;

ვაკე — ზუკა რურუა, წყალბურთის ნაკრების ყოფილი კაპიტანი;

სამგორი — ძიუდოისტი ვარლამ ლიპარტელიანი.

დიდუბე-ჩუღურეთი — მოქმედი დეპუტატი, გიორგი ვოლსკი;

საბურთალო — აკაკი ალადაშვილი, ფეხბურთის ფედერაციის ვიცე-პრეზიდენტი;

ნაძალადევი — ირაკლი ხელაძე, თბილისის საკრებულოს წევრი და რაიონის ყოფილი გამგებელი;

გლდანი — ლადო ბოჟაძე, თბილისის საკრებულოს წევრი;

ისანი — ნიკა ელისაშვილი;

გასულ კვირაში დასახელებული დელეგატების მსგავსად, ამჯერადაც ყველა მათგანი კაცია.


შეგახსენებთ, ქართულმა ოცნებამ მიმდინარე წლის 4 აპრილს, პარტია გირჩის დახმარებით, დაჩქარებული წესით გააუქმა გენდერული კვოტები.