რა არის დელეგატი? — ოცნების სია და ოპოზიციონერების გამოხმაურება
ქართული ოცნების საარჩევნო შტაბის ხელმძღვანელმა და პრემიერ-მინისტრმა, ირაკლი კობახიძემ, გუშინ პრესკონფერენციაზე საზოგადოებას საარჩევნო სიაში შემავალი 22 დელეგატი წარუდგინა — აღსანიშნავია ის ფაქტი, რომ ოცნების ყველა დელეგატი კაცია.
ოცნების დელეგატთა სიაში მომღერალი, ჯგუფ ალილოს სოლისტი არჩილ ბერიძე, გორის მოქმედი მერი ლადო ხინჩეგაშვილი და პარტია ევროპელი სოციალისტების ლიდერის, ფრიდონ ინჯიას შვილი, ბიზნესმენი ილია ინჯიაც მოხვდა.
ასევე იხილეთ: ირაკლი კობახიძემ საზოგადოებას 22 დელეგატი წარუდგინა — ყველა მათგანი კაცია
რა არის დელეგატი?
დელეგატი საარჩევნო სიაში მმართველი პარტიის ინიციატივა და მაჟორიტარის ალტერნატივაა — რადგანაც 2024 წლის საპარლამენტო არჩევნები სრულად პროპორციული წესით ტარდება.
საარჩევნო კოდექსში მიმდინარე წლის 15 მაისს შეტანილი ცვლილებების თანახმად, პარტიას უფლება აქვს, საპარლამენტო სიაში შეყვანილი პირი საარჩევნო ოლქის ტერიტორიაზე რეგისტრირებულ ამომრჩეველთა დელეგატად განსაზღვროს.
თუმცა, უცნობია, რა ადგილს დაიკავებს პარტიულ სიაში ესა თუ ის დელეგატი და მოხვდება თუ არა პარლამენტში იმ შემთხვევაშიც კი, თუ ამა თუ იმ ოლქში მისი პარტია გაიმარჯვებს. ირაკლი კობახიძემ თქვა, რომ დასახელებული დელეგატები პარტიის "გამსვლელ სიაში" იქნებიან.
ამავე თემაზე: რას ნიშნავს პროპორციული საარჩევნო სისტემა და რატომაა უკეთესი — მოკლედ
ოპოზიციის გამოხმაურება
ქართული ოცნების დელეგატთა სიას, პირველი კოალიცია ძლიერი საქართველოს ერთ-ერთი ლიდერი, სალომე სამადაშვილი გამოეხმაურა და აღნიშნა, რომ "ოცნება" ამ ქმედებით აღიარებს, რომ მთლიანად გაკოტრებულია
"ყველასთვის გასაგებია ახლა რაც ხდება. ქართული ოცნება აბსოლუტურად გაკოტრებულია, არჩევნებს აგებენ. მაჟორიტარული სისტემა ჩვენს ქვეყანაში არ არსებობს, მაგრამ მათ დანიშნეს და სიაში ადგილებს დაჰპირდნენ იმ ფეოდალებს, რომლებიც სხვადასხვა დროს, სხვადასხვა ხელისუფლებას ემსახურებოდნენ. ამით აიძულებენ, რომ მიიღონ მონაწილეობა დაშინებაში, მოსყიდვაში და სხვა აქტივობებში. ეს ყველაფერი, ჩემი აზრით, ძალიან ცუდად დასრულდება.
მათ ადგილას ფრთხილად ვიქნებოდი, იმიტომ, რომ ეს ფეოდალები პირველები არიან, რომლებიც მერე ხელისუფლების რიგებს ტოვებენ ხოლმე, მისი ცვლილების დროს. ოპოზიცია რომ მოიგებს, მგონი, ბევრ მათგანს ვიხილავთ რიგში დამდგარს, რათა ოპოზიციის რიგებში ჩაეწერონ", — თქვა სამადაშვილმა.
ოცნების სიას ლელოს წევრი დეპუტატი, ანა ნაცვლიშვილიც გამოეხმაურა და აღნიშნა, რომ წარდგენილ ადამიანებს მოსახლეობის ინტერესებთან საერთო არაფერი აქვს და ქართული ოცნება 26 ოქტომბერს აუცილებლად დამარცხდება.
"რუსეთის მსახური ხელისუფლება გარდაუვალად მარცხდება 26 ოქტომბრის არჩევნებზე. ამის კიდევ ერთი დასტურია მათ მიერ, გუშინ წარდგენილი საარჩევნო სია ე.წ დელეგატებისა, ოდიოზური ფიგურების, რომლებსაც არასდროს არანაირი კავშირი არ ჰქონიათ ქართველ ხალხთან. ისინი საქართველოს მოქალაქეებს და მათ ინტერესებს არასდროს წარმოადგენდნენ. ესენი არიან კორუმპირებული, ადგილობრივი ფეოდალები. კორუფციის გზით დაგროვილი ქონებით ცდილობენ ხმების მობილიზებას, მათ შორის, ადგილებზე არაკანონიერი გზით და სწორედ, მათზე აკეთებს გათვლას ქართული ოცნება. მინდა მათ ვუთხრა, რაც არ უნდა დაარქვან ამ ადამიანებს, უნდათ დელეგატები უნდათ სხვა რამ, ფაქტი ერთია — მაჟორიტარული სისტემა საქართველოს კონსტიტუციით გაუქმებულია. ტყუილია, რომ ეს ადამიანები იქნებიან ახალი მაჟორიტარები, რასაც ქართული ოცნება საზოგადოებას ეუბნება. ესენი არიან ძველი სახეები, კორუმპირებული ადგილობრივი ფეოდალები. სახელის ცვლილებით მათი ბუნება არ შეიცვლება. ქართველი ამომრჩეველი მათ კარგად იცნობს. ესენი არიან ადამიანები მკაფიოდ გამოხატული პრორუსული ხაზით. ბევრი მათგანი, რუსული კანონის მხარდამჭერია, რომელთაც არაფერი აქვთ საერთო საქართველოს ინტერესებთან. ესენი წარსულის ადამიანები არიან და 26 ოქტომბრის არჩევნებზე ქართველი ხალხი წარსულის ადამიანებს საკადრის ადგილს მიუჩენს. საქართველო კი გააგრძელებს წინსვლას. განვითარებას, პროგრესს ძლიერი სახელმწიფოს ასაშენებლად.
ჩვენ წლებია ვხედავთ, რას ეყრდნობა ქართული ოცნება საარჩევნოდ. ეს არის შავი ფული, კორუფცია, ადგილობრივი ფეოდალები, რომლებსაც მოხვეჭილი აქვთ ძალაუფლება და შემდეგ ამ ძალაუფლებით ვაჭრობენ. [ხალხს] აიძულებენ არჩევანი მათ სასარგებლოდ გააკეთონ. მაგრამ როდესაც პარლამენტში არიან წარმოდგენილი, არაფერს აკეთებენ ადგილობრივი მოქალაქეების ინტერესების და მათი უფლებების დასაცავად. ეს არის ის საყრდენი, რომელიც ქართულმა ოცნებამ გამოიყვანა ამ არჩევნებზე", — განაცხადა ანა ნაცვლიშვილმა.
-
-
გადახედვაზუკა რურუა: ვისაუბრეთ სწორი ღირებულებების პატივისცემაზე, მშვიდობის დაფასებასა და რაც მთავარია, მის შენარჩუნებაზე. წარმატებები ჩვენს გუნდს! ზუკა რურუა: ვისაუბრეთ სწორი ღირებულებების პატივისცემაზე, მშვიდობის დაფასებასა და რაც მთავარია, მის შენარჩუნებაზე. წარმატებები ჩვენს გუნდს!
-
გადახედვანიკოლოზ შურღაია სამართალდამცავებსა და ეროვნულ ბანკს მოუწოდებს, არ მოახდინონ ბანკის თანამშრომლებზე ზეწოლა ნიკოლოზ შურღაია სამართალდამცავებსა და ეროვნულ ბანკს მოუწოდებს, არ მოახდინონ ბანკის თანამშრომლებზე ზეწოლა
-
გადახედვაგარი ოლდმანს "ჰარი პოტერის" სერიალში ალბუს დამბლდორის როლის შესრულება უნდა გარი ოლდმანს "ჰარი პოტერის" სერიალში ალბუს დამბლდორის როლის შესრულება უნდა
-
გადახედვაირაკლი კუპრაძე: [კესარია აბრამიძის მკვლელობა] იმ ზიზღისა და ჰომოფობიის შედეგია, რასაც "ოცნება" ასაზრდოებს ირაკლი კუპრაძე: [კესარია აბრამიძის მკვლელობა] იმ ზიზღისა და ჰომოფობიის შედეგია, რასაც "ოცნება" ასაზრდოებს
-
გადახედვანინო წილოსანი: სიტყვებს ვერ ვპოულობ, ფაქტს ვეღარაფერი შეცვლის, კესარია გარდაცვლილია ნინო წილოსანი: სიტყვებს ვერ ვპოულობ, ფაქტს ვეღარაფერი შეცვლის, კესარია გარდაცვლილია
-
გადახედვაFBI: ირანელმა ჰაკერებმა ტრამპის კამპანიიდან მოპოვებული სენსიტიური ინფორმაცია ბაიდენის გუნდს გაუგზავნეს FBI: ირანელმა ჰაკერებმა ტრამპის კამპანიიდან მოპოვებული სენსიტიური ინფორმაცია ბაიდენის გუნდს გაუგზავნეს
-
გადახედვანინო ხარატიშვილი: ჩემთვის ეს “მშვიდობა” ომია! ნინო ხარატიშვილი: ჩემთვის ეს “მშვიდობა” ომია!
-
-
გადახედვაწუხელ უკრაინელებმა რუსების მიერ გაშვებული ყველა დრონი გაანადგურეს წუხელ უკრაინელებმა რუსების მიერ გაშვებული ყველა დრონი გაანადგურეს
-
გადახედვაორბელიანის სასახლეში მამუკა ხაზარაძესა და გიორგი გახარიას შორის მოლაპარაკებები დღეს განახლდება ორბელიანის სასახლეში მამუკა ხაზარაძესა და გიორგი გახარიას შორის მოლაპარაკებები დღეს განახლდება
-
გადახედვაკესარია აბრამიძის მკვლელობის ბრალდებით 1998 წელს დაბადებული ბ.ჯ. დააკავეს კესარია აბრამიძის მკვლელობის ბრალდებით 1998 წელს დაბადებული ბ.ჯ. დააკავეს
-
გადახედვაგიორგი გახარია: მამუკა ხაზარაძესთან მოლაპარაკებები დასრულდება ხვალ გიორგი გახარია: მამუკა ხაზარაძესთან მოლაპარაკებები დასრულდება ხვალ
-
გადახედვადაჩი ცაგურია აცხადებს, რომ აშშ გვაიძულებს თავისი ცხოვრების წესი მივიღოთ დაჩი ცაგურია აცხადებს, რომ აშშ გვაიძულებს თავისი ცხოვრების წესი მივიღოთ
-
გადახედვაორბელიანების სასახლეში მამუკა ხაზარაძესა და გიორგი გახარიას შორის მოლაპარაკებები განახლდა ორბელიანების სასახლეში მამუკა ხაზარაძესა და გიორგი გახარიას შორის მოლაპარაკებები განახლდა
-
გადახედვაგიორგი გახარია პრეზიდენტის სასახლეში დაბრუნდა გიორგი გახარია პრეზიდენტის სასახლეში დაბრუნდა
-
გადახედვასახალხო დამცველი კესარია აბრამიძის მკვლელობას ეხმაურება სახალხო დამცველი კესარია აბრამიძის მკვლელობას ეხმაურება
-
გადახედვაგიორგი გახარია: ჩვენმა გუნდმა დავთმეთ პრაქტიკულად ყველაფერი, რისი დათმობაც შეიძლებოდა გიორგი გახარია: ჩვენმა გუნდმა დავთმეთ პრაქტიკულად ყველაფერი, რისი დათმობაც შეიძლებოდა
-
გადახედვაკესარია აბრამიძის სახლთან საგამოძიებო მოქმედებები მიმდინარეობს კესარია აბრამიძის სახლთან საგამოძიებო მოქმედებები მიმდინარეობს
-
გადახედვაგიორგი გახარია: მე ძალიან დიდი იმედი მაქვს, რომ ეს შეთანხმება შედგება გიორგი გახარია: მე ძალიან დიდი იმედი მაქვს, რომ ეს შეთანხმება შედგება
-
გადახედვამამუკა ხაზარაძე: საუბარი მიმდინარეობს კონსტრუქციულად, ერთ საათში დავბრუნდებით მამუკა ხაზარაძე: საუბარი მიმდინარეობს კონსტრუქციულად, ერთ საათში დავბრუნდებით
კომენტარები