უკრაინას თავისუფლად შეუძლია გამოიყენოს კანადის მიერ გადაცემული ტანკები და ჯავშანტექნიკა რუსეთის ტერიტორიაზე — ამის შესახებ ინფორმაციას კანადური მედია, კანადის თავდაცვის სამინისტროზე დაყრდნობით ავრცელებს.

"უკრაინელებმა ყველაზე კარგად იციან როგორ დაიცვან თავიანთი სამშობლო და ჩვენ მზად ვართ მხარი დავუჭიროთ მათ შესაძლებლობებს. კანადა არ აწესებს გეოგრაფიულ შეზღუდვებს სამხედრო აღჭურვილობის გამოყენებაზე, რომელსაც ჩვენ ვაძლევთ უკრაინას" — აცხადებენ კანადის თავდაცვის სამინისტროში.

მისივე თქმით, კანადის დახმარება შეესაბამება იარაღით ვაჭრობის ხელშეკრულების საერთაშორისო შეთანხმებას, რომელიც შექმნილია იარაღის უკანონო გადაცემისა და ადამიანის უფლებების დარღვევის შესამცირებლად.