"ევოლუშენი" საქართველოში მუშაობას აჩერებს. NEWS.On.ge კომპანიის განცხადებას უცვლელად გთავაზობთ:

"ევოლუშენ ჯორჯიას ოფიციალური განცხადება:

"ბოლო რამდენიმე კვირის განმავლობაში, მიმდინარე გაფიცვის პირობებში, ევოლუშენმა მოახერხა ოპერირება შეფერხების გარეშე, თუმცა, ხუთშაბათს, 1-ლი აგვისტოდან, პროფკავშირმა მოახდინა კომპანიის შენობების შესასვლელების ბლოკირება და ათასობით დასაქმებულს წაართვა სამუშაოს შესრულების შესაძლებლობა.

ეს მოცემულობა ცვლის ევოლუშენ საქართვგელოს გამართულად ოპერირების შესაძლებლობას. შესაბამისად, თუ მოცემული მგომარეობა არ შეიცვლება, კომპანია იძულებული იქნება, განახორციელოს საოპრაციო ცვლილებები, მათ შორის შრომითი ხელშეკრულებების შეწყვეტები, რათა შევზღუდოთ ჩვენი წარმომადგენლობა საქართველოში.

ჩვენ 6 წლის განმავლობაში ვახოციელებდით ინვისტიციას საქართველოში, ვთავაზობდით პირველი სამსახურის შესაძლებლობას ახალგაზრდებს გამოცდილების გარეშე. თუმცა, ამჟამად მდგომარეობა სამწუხარო რელობისკენ შეიცვალა, რაც გავლენას იქონიებს როგორც კომპანიაზე, ასევე, ევოლუშენის იმ ათასობით მოქმედ თანამშრომელზე, რომელსაც სურს მუშაობის გაგრძელება კომპანიაში." — ნათქვამია განცხადებაში.

ცნობისთვის, 12 ივლისიდან, ევოლუშენ ჯორჯიას თანამშრომლები საკუთარი უფლებების დასაცავად კომპანიის მიმდებარე ტერიტორიაზე აქციას მართავენ.

ისინი მოითხოვენ სამართლიან ანაზღაურებასა და შრომითი პირობების გაუმჯობესებას.

ვრცლად იხილეთ: "ევოლუშენ ჯორჯიას" თანამშრომლების ნაწილი, სამუშაო პირობების გაუმჯობესების მოთხოვნით, გაიფიცა