ქანიე ვესთის და Ty Dolla $ign-ის ახალი საერთო ალბომი Vultures 2 გამოვიდა და უკვე ყველა მუსიკალურ პლატფორმაზეა ხელმისაწვდომი.

ეს ალბომი ვესთის და თაი დოლას რიგით მეორე საერთო პროექტია კოლექტიური პროექტის, ¥$-ის ფარგლებში. რეპერების წინა ალბომი Vultures 1 ამ წლის თებერვალში გამოვიდა და 15 სიმღერისგან შედგება.

Vultures 2-ში ბევრი ჰიპ-ჰოპ არტისტია მოწვეული, მათ შორის დონ ტოლივერი, ფიუჩერი, ფლეიბოი კარტი, Young Thug, 070 Shake, Playboi Carti, Kodak Black. ერთ-ერთ სიმღერაში BOMB ვესთის ორი შვილი, ნორთ და ჩიკაგო ვესთებიც მღერიან.