როგორც ჩანს, Queen B ამერიკის პრეზიდენტობის ახალ კანდიდატს, კამალა ჰარისს მხარს უჭერს — ბიონსემ ჰარისს საარჩევნო კამპანიაში თავისი სიმღერის გამოყენების უფლება მისცა.

CNN-ის ინფორმაციით, კამალა ჰარისის გუნდმა 32 გრემის მფლობელი მუსიკოსისგან მუსიკის გამოყენების ნებართვა ბოლო წამს, სწორედ იმ კონფერენციის დაწყებამდე მიიღო, როლის კამპანიის ვიდეორგოლისთვის გადაღებას იგეგმებოდა.

ბიონსეს სიმღერა Freedom, რომელშიც კენდრიკ ლამარიც რეპავს, შავკანიან ქალთა გაძლიერებას ეძღვნება. სიმღერის ოფიციალურ კლიპში ბიონსესთან და ლამართან ერთად ჩანან პოლიციის აგრესიის მსხვერპლი შავკანიანი კაცების, ტრეივონ მარტინის, მაიკლ ბრაუნის, ერიკ გარნერის და სხვათა დედები.

ჰარისის საარჩევნო კამპანიის ვიდეო ინტერნეტსივრცეში უკვე გავრცელდა:

მართალია, ბიონსეს ჰარისის მხარდამჭერი ოფიციალური განცხადება ჯერ არ გაუკეთებია, თუმცა, ცნობილია, რომ რენესანსის ტურის ერთ-ერთ კონცერტზე მომღერალმა ვიცე-პრეზიდენტი ჰარისი და მისი ქმარი დაპატიჟა. ამასთან ერთად, ბიონსე და მისი მთელი ოჯახი ყოველთვის დემოკრატიულ პარტიას უჭერდნენ მხარს.