მებაჟე ოფიცრებმა, ბათუმის აეროპორტის საბაჟოზე, აღკვეთეს 2 ფაქტი, როდესაც უცხო ქვეყნის მოქალაქეები უკანონოდ ცდილობდნენ არადეკლარირებული ოქროსა და ვერცხლის გადატანას.

ფინანსთა სამინისტროს შემოსავლების სამსახურის ინფორმაციით, მგზავრები ხელბარგის უსაფრთხოების კონტროლს გადიოდნენ, როდესაც მათ ჩანთაში ოქროსა და ვერცხლის ზოდები აღმოაჩინეს, რომელიც, საერთო ჯამში, 133 125,24 ლარის ღირებულების აღმოჩნდა.

ასევე, აღმოჩენილია შენადნობის სახით დამზადებული ოქროს ფირფიტები.

უწყების ინფორმაციით, უცხო ქვეყნის მოქალაქეებმა ბათუმის აეროპორტის საბაჟო მწვანე დერეფნის გავლით ისე გაიარეს, რომ არ მიუმართავთ მებაჟე-ოფიცრებისთვის და არ განუხორციელებიათ სავალდებულო დეკლარირება.