თბილისში, ყაზბეგის ქუჩაზე მომხდარ ავტოსაგზაო შემთხვევას მსხვერპლი მოჰყვა.

მთავარი არხის ინფორმაციით, საპატრულო პოლიციის ეკიპაჟი მოტოციკლის მძღოლს დაედევნა და გზა გადაუკეტა, რის შედეგადაც ბაიკერი ეკიპაჟის მანქანას შეეჯახა და ადგილზე დაიღუპა.

მთავარი არხი წერს, რომ შემთხვევას Tiktok live-ში იღებდა კიდევ ერთი მოქალაქე და კადრებში ჩანს, რომ მოგვიანებით მას პოლიციამ ვიდეოს გადაღება შეაწყვეტინა.

ასევე, ტელეკომპანიის ინფორმაციით, კადრების მიხედვით, პოლიციის მანქანა დაზიანებულია.

დეტალების დაზუსტებას NEWS.On.ge შსს-ში ცდილობს.