საქართველოს პროკურატურის ინფორმაციით, თბილისის საქალაქო სასამართლომ, "ქურდული სამყაროს" წევრობასა და "ქურდული სამყაროს" საქმიანობის მხარდაჭერაში ბრალდებული 2 პირი დამნაშავედ ცნო.

მტკიცებულებებით დადასტურდა, რომ "ქურდული სამყაროს" წევრი, "ქურდული სამყაროს" საქმიანობის მხარდამჭერ პირთა მეშვეობით, უკავშირდებოდა სხვადასხვა, ძირითადად ლილო მოლის ტერიტორიაზე დასაქმებულ მეწარმეებს, რომელთაც უწყობდა ,"ქურდულ გარჩევებს" და აიძულებდა ე.წ. "ქურდულ საერთოში" დიდი ოდენობით თანხები შეეტანათ.

ბრალდებულებმა ერთ-ერთ დაზარალებულს ავტომობილი დაუწვეს, ხოლო კიდევ ერთი დაზარალებულის მიმართ ცეცხლსასროლი იარაღიდან გაისროლეს.

სასამართლომ "ქურდული სამყაროს" წევრობაში ბრალდებულს სასჯელის სახით 9 წლით პატიმრობა, ხოლო "ქურდული სამყაროს" საქმიანობის მხარდაჭერაში ბრალდებულ ერთ პირს 3 წლით და 6 თვით პატიმრობა განუსაზღვრა.

სასამართლომ "ქურდული სამყაროს" საქმიანობის მხარდაჭერაში ბრალდებულ კიდევ ერთ პირი გაამართლა, რასაც პროკურატურა სააპელაციო წესით გაასაჩივრებს.