დიდი ბრიტანეთისა და ჩრდილოეთ ირლანდიის გაერთიანებული სამეფოს საპარლამენტო არჩევნებში გამარჯვებას ვულოცავ კირ სტარმერს, — ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს.

მთავრობის მეთაური მას წარმატებას უსურვებს და ნაყოფიერი პარტნიორობის კიდევ უფრო მეტად გაძლიერების მზაობას გამოთქვამს.

"წარმატებას ვუსურვებ მას პრემიერ-მინისტრის თანამდებობაზე და გამოვთქვამთ თანამშრომლობის მზაობას მის მთავრობასთან, რათა კიდევ უფრო გაძლიერდეს ნაყოფიერი პარტნიორობა საქართველოსა და გაერთიანებულ სამეფოს შორის", — წერს პრემიერი.

ბრიტანეთის საპარლამენტო არჩევნებში დიდი უპირატესობით გაიმარჯვა ლეიბორისტულმა პარტიამ.

კონსერვატიული პარტიის ლიდერმა რიში სუნაკმა განაცხადა, რომ ტოვებს როგორც ბრიტანეთის პრემიერ-მინისტრის, ასევე — თანამდებობას პარტიაში.