მოკლედ: საქართველოს პრემიერ-მინისტრის, ირაკლი კობახიძის განცხადებით, უახლოეს მომავალში დააინიციირებენ კანონპროექტს, რომელიც ამნისტიის წესით პირთა გათავისუფლებას უკავშირდება.

  • "უკვე არის შედგენილი, მომზადებული შესაბამისი მუხლების, პუნქტების სია სისხლის სამართლის კოდექსიდან", — განაცხადა კობახიძემ დღეს, 28 ივნისს, პარლამენტში, ყოველწლიური მოხსენების წარდგენისას.

დეტალები: კობახიძის თქმით, ივლისში, შესაძლოა, დაინიშნოს რიგგარეშე სესია, სადაც პირველი მოსმენით ამ კანონპროექტს მიიღებენ, ხოლო სექტემბერში, სამი მოსმენით, ამნისტიის კანონის მიღება დასრულდება.

  • "ჩვენ გვყავს 10 000-მდე პატიმარი სასჯელაღსრულების დაწესებულებებში და მნიშვნელოვანია, ახლო მომავალში სერიოზულად შემცირდეს პატიმართა რაოდენობა იმისათვის, რომ ჩვენ დავუახლოვდეთ ოპტიმალურ ევროპულ მაჩვენებელს", — განაცხადა პრემიერ-მინისტრმა.
  • მისივე თქმით, სასურველია, მინიმუმ 1/3-ით პატიმართა რაოდენობის შემცირება.

გაიგე მეტი: კობახიძის თქმით, ვაზიანში აშენდება 18 მილიონ მგზავრზე გათვლილი საერთაშორისო აეროპორტი