მოკლედ: საქართველოს აეროპორტების გაერთიანების ინფორმაციით, საქართველო-ესპანეთის მატჩისთვის სუბსიდირებული ჩარტერული ფრენები შესრულდება.

  • თბილისის საერთაშორისო აეროპორტიდან ჩარტერები შესრულდება 29 და 30 ივნისს, ხოლო 2 ივლისს ქართველი გულშემატკივრები შეძლებენ გერმანიიდან საქართველოში დაბრუნებას.

დეტალები: ფრენები შესრულდება შემდეგი განრიგით:

  • 29 ივნისი თბილისი-კიოლნი, გაფრენა 12:00;
  • 29 ივნისი თბილისი-კიოლნი, გაფრენა 19:00;
  • 30 ივნისი თბილისი-კიოლნი, გაფრენა 04:30;
  • 2 ივლისი კიოლნი-თბილისი, გამოფრენა 15:00.

სუბსიდირებული, ცალმხრივი ავიაბილეთის ღირებულება კვლავ იქნება EUR 195. შესაბამისად, ორმხრივი ავიაბილეთის ღირებულება შეადგენს EUR 390-ს.

  • ჩარტერულ რეისებს შეასრულებენ ავიაკომპანიები: ჯორჯიან ეარვეისი და ჯორჯიან ვინგსი.
  • სუბსიდირებული ავიაბილეთით სარგებლობას საქართველოს ის მოქალაქეები შეძლებენ, რომლებიც ფეხბურთის მატჩზე დასასწრებ ბილეთებს ფლობენ.
  • ავიაბილეთების შეძენა შესაძლებელია ონლაინ პორტალზე.

ბოლო ხაზი: საქართველომ პორტუგალია ანგარიშით 2:0 დაამარცხა. საქართველოს ნაკრები მერვედფინალშია, სადაც ის 30 ივნისს, თბილისის დროით 23:00 საათზე, ესპანეთს დაუპირისპირდება.

ამ თემაზე: გულშემატკივრები, ესპანეთი-საქართველოს მატჩის ყურებას, მესხის სტადიონზე კვლავ შეძლებენ — თბილისის მერია