მოკლედ: 30 ივნისს, 23:00 საათზე, ესპანეთი-საქართველოს შორის დაგეგმილი მატჩის პირდაპირ ეთერში ყურებას, ქართველი გულშემატკივრები მიხეილ მესხის სახელობის სტადიონზე კვლავ შეძლებენ.

  • ამის შესახებ განაცხადა თბილისის მერმა, კახა კალაძემ დღეს, 28 ივნისს, მუნიციპალიტეტის მთავრობის სხდომაზე.

დეტალები: მატჩის ჩვენების პერიოდში, ავტობუსების ნაწილი გახანგრძლივებული დროით იმოძრავებს.

იმ მოქალაქეებს, რომლებიც მატჩის ტრანსლირებას მიხეილ მესხის სახელობის სტადიონზე დაესწრებიან, 1-ელი ივლისის 02:00 საათამდე მოემსახურებიან ავტობუსები: N173, N301, N307, N311, N345, N351, N354, N358, N359, N385 და N388.

  • სტადიონზე ექვსი დიდი ეკრანი დამონტაჟდება, ხოლო სტადიონის გარეთ კი მოეწყობა კვების ზონა.

კონტექსტი: საქართველომ პორტუგალია ანგარიშით 2:0 დაამარცხა. საქართველოს ნაკრები მერვედფინალშია, სადაც ის 30 ივნისს, თბილისის დროით 23:00 საათზე, ესპანეთს დაუპირისპირდება.