უკრაინის დედაქალაქში საქართველოს ექს-პრეზიდენტის, მიხეილ სააკაშვილის მხარდამჭერი აქცია მიმდინარეობს. დემონსტრანტები პრეზიდენტის ადმინისტრაციაში შესვლას ცდილობენ და ამბობენ, რომ მიხეილ სააკაშვილისთვის მოქალაქეობის ჩამორთმევასთან დაკავშირებით გარკვეული საბუთები უნდა შეიტანონ.

"მოქმედმა პრეზიდენტმა მოგვპარა მომავლის იმედი, მოგვპარა ჩვენი დანაზოგი გვინის გაუფასურებით და როდესაც გამოჩნდა ნამდვილი ლიდერი, მას მოქალაქეობა ჩამოართვეს", - თქვა აქციის ერთ-ერთმა მონაწილემ.

26 ივლისს გავრცელდა ინფორმაცია, რომ მიხეილ სააკაშვილს უკრაინის მოქალაქეობა ჩამოართვეს. უკრაინული გამოცემის ცნობით, მოქალაქეობის ჩამორთმევის საფუძველი გახდა შესაბამისი კანონის ერთ-ერთი მუხლი, რაც მოქალაქეობის მიღებას ტყუილის გამოყენებით გულისხმობს.