გოჩა სურგულაძემ, ბსუ-ს ადმინისტრაციის თანამშრომელმა, სამსახური დატოვა
![](http://joey.on.ge/2024/05/16/436426613_2682024491947167_5491980332758960207_n.jpg)
მოკლედ: გოჩა სურგულაძე, ბათუმის სახელმწიფო უნივერსიტეტის სტუდენტთა კარიერული განვითარების, კულტურისა და სპორტის დეპარტამენტის უფროსის მოადგილე, თანამდებობას ტოვებს.
- ამის შესახებ მან ფეისბუქზე დაწერა.
დეტალები: სურგულაძის თქმით, უნივერსიტეტიდან წასვლის შესახებ განცხადება გუშინ, 15 მაისს დაწერა:"გულწრფელი ვიქნები და გეტყვით, რომ წამოსვლის განცხადება როცა დავწერე, აღელვების გამო, ცრემლები ვერ შევიკავე, მაგრამ მე ეს უნდა გამეკეთებინა".
- სურგულაძე წერს, რომ სამსახურის გარეშე დარჩა ორი მცირეწლოვანი შვილით და ბანკის ვალით, "მაგრამ მე ეს არ მაშინებს, მე ის მაშინებს ჩვენი ქვეყანა დასავლეთის, ევროკავშირისა და ზოგადად ცივილური სამყაროს მიღმა არ აღმოჩნდეს", — წერს სურგულაძე.
კონტექსტი: ბათუმის შოთა რუსთაველის სახელმწიფო უნივერსიტეტი არის იმ 36 უნივერსიტეტს შორის, რომლებმაც განაცხადეს, რომ "პოლიტიკური პროცესები აკადემიური სივრცის მიღმა უნდა დარჩეს" და არ უნდა აისახოს სწავლის პროცესზე.
- უნივერსიტეტების განცხადების შემდეგ, ლექტორების ნაწილმა, პროტესტის ნიშნად დატოვა ის უნივერსიტეტები, რომელთა ადმინისტრაციაც გაემიჯნა სტუდენტურ პროტესტს რუსული კანონის წინააღმდეგ.
- გუშინ, 15 მაისს, ბათუმის შოთა რუსთაველის სახელმწიფო უნივერსიტეტის სტუდენტებმა განაცხადეს, რომ გმობენ მათი რექტორის მიერ "ჩადენილ სამარცხვინო ქმედებას, რექტორთა სამარცხვინო განცხადებაზე ხელმოწერასა და უნივერსიტეტის კარის დახურვას სტუდენტებისთვის".
16 მაისის მონაცემებით, საქართველოში 30-ზე მეტი უნივერსიტეტის სტუდენტების ნაწილია გაფიცული. ისინი აცხადებენ რომ აუდიტორიებში არ დაბრუნდებიან მანამ, სანამ მთავრობა რუსულ კანონს არ გაიწვევს.
- სტუდენტურ გაფიცვას შეუერთდნენ სხვადასხვა უნივერსიტეტების ლექტორები და პროფესორები.
გაიგე მეტი: სტუ-ს რექტორი: არ არის ეს რუსული კანონპროექტი, მე ესე ვთვლი. სტუდენტების გაფიცვას არ შევუწყობ ხელს
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები