რა ხდება: ხვალ, 17 მაისს, უქმე დღეა, დადგენილება პრემიერ-მინისტრმა გამოსცა.

დეტალები: "ოჯახის სიწმინდისა და მშობლების პატივისცემის დღესთან დაკავშირებით, 17 მაისი დასვენების დღედ გამოცხადდა", — წერია მთავრობის ადმინისტრაციის მიერ გავრცელებულ განცხადებაში.

  • დადგენილება საქართველოს პრემიერ-მინისტრმა ირაკლი კობახიძემ 15 მაისს გამოსცა.
  • ამასთან, დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე და "სახელმწიფო შესყიდვების შესახებ“ საქართველოს კანონით გათვალისწინებულ სახელმწიფო შესყიდვებთან დაკავშირებულ საქმიანობაზე.

17 მაისის კონტექსტი: ეს ჰომოფობიასა და ტრანსფობიასთან ბრძოლის საერთაშორისო დღეა. ამ დღეს მსოფლიოს ბევრ ქვეყანაში ლგბტქ+ ადამიანები ეკონომიკური და სოციალური თანასწორობისთვის საბრძოლველად გამოდიან.

  • საქართველოში, წლების მანძილზე თავს ესხმოდნენ ქვიარ უფლებებისთვის მებრძოლ აქტივისტებს ჰომოფობიური ჯგუფები.
  • ამ დღის მნიშვნელობის საპირწონედ, 2014 წელს 17 მაისი ეკლესიამ ოჯახის სიწმინდის დაცვის დღედაც გამოაცხადა. სასულიერო პირები და მრევლი მსვლელობას აწყობენ, სამებაში ფეხით ადიან და იქ პატრიარქის დალოცვას იღებენ.