უკრაინის გენერალურმა პროკურატურამ სასამართლოსგან კიევის ყოფილი მერის, ლეონიდ ჩერნოვეცკის დაკავების ნებართვა მიიღო.

უკრაინის პროკურატურამ ჩერნოვეცკის 14 ივლისს შეატყობინა, რომ დანაშაულშია ეჭვმიტანილი. უწყების განცხადებით, კიევის ყოფილი მერის ადგილსამყოფელი უცნობია.

ლეონიდ ჩერნოვეცკის ძალაუფლების ბოროტად გამოყენებას ან სამსახურებრივი უფლებამოსილების გადამეტებას ედავებიან, რომელიც კიევში, ვერტმფრენის დასაჯდომი მოედნის, სავარაუდოდ, უკანონო მშენებლობას უკავშირდება.

ბიზნესმენი ლეონიდ ჩერნოვეცკი ოჯახთან ერთად ქობულეთში ცხოვრობს. მან პოლიტიკური პარტია, ბედნიერი საქართველო დააფუძნა, საქართველოს საპარლამენტო არჩევნებში, ქობულეთის 71-ე ოლქის დამოუკიდებელ კანდიდატად იყრიდა კენჭს და ხმების 11,8 პროცენტი აიღო.