მოკლედ: ოპოზიციონერი დეპუტატი ხატია დეკანოიძე წერს, რომ საქართველოს პარლამენტში არ შეუშვეს.

  • მიზეზად სამუშაო საათების დასრულება დაუსახელეს.

დეტალები: "სამუშაო საათები დასრულდაო. პარლამენტის პრესცენტრი შეუშვეს. როგორც ჩანს, მართლა შიგნით ჰყავს ბიძინას ქოცები გამოკეტილი", — წერს დეკანოიძე.

ინფორმაცია, რომ მმართველი გუნდის დეპუტატები უკვე იმყოფებიან პარლამენტის შენობაში, მანამდე ლელოს წევრმა, საბა ბუაძემ გაავრცელა.

  • "მაქვს ინფორმაცია, რომ ნაწილი დეპუტატებისა არის შენობაში გამაგრებული, კბილის ჯაგრისებით და მეორე დღეს ჩასაცმელი კოსტიუმებით".

რა ხდება ახლა პარლამენტთან: რუსთაველის გამზირზე, პარლამენტის შენობასთან რუსული კანონის საწინააღმდეგო აქცია მიმდინარეობს.

  • მანიფესტანტები აპირებენ, ღამე გაათენონ საკანონმდებლო ორგანოს შენობასთან.
  • მშვიდობიანი აქციის პარალელურად, თავისუფლების მოედანზე წყლის ჭავლის მანქანებია მობილიზებული.
  • თავისუფლების მოედანზე იმყოფებიან განსაკუთრებულ დავალებათა დეპარტამენტის თანამშრომლებიც.

ბოლო ხაზი: ხვალ, 13 მაისს გაიმართება რუსული კანონის მესამე საკომიტეტო მოსმენა.

  • პლენარულ სხდომაზე კი კანონი სამშაბათს, 14 მაისს გავა ბოლო, მესამე მოსმენით.