მოკლედ: საქართველოს საგარეო საქმეთა მინისტრი ილია დარჩიაშვილი საფრანგეთში საქართველოს ყოფილი ელჩის განცხადებას ეხმაურება და წერს, რომ გოჩა ჯავახიშვილმა შეურაცხყოფა მიაყენა როგორც სახელმწიფოს, ისე უწყებას.

დეტალები: ილია დარჩიაშვილის თქმით, სამინისტრომ, წლების განმავლობაში, დიდი ძალისხმევა გასწია საქართველოს ევროპული მომავლის უზრუნველსაყოფად:

  • "ეს ქვეყანა აუცილებლად გახდება ევროპული ოჯახის ღირსეული და სრულუფლებიანი წევრი. გოჩა ჯავახიშვილმა კი, სამწუხაროდ, ამ საქმეში მონაწილეობის შანსი საკუთარი გადაწყვეტილებით გაუშვა ხელიდან".

კონტექსტი: გუშინ, 9 მაისს, საფრანგეთში საქართველოს ყოფილმა ელჩმა, გოჩა ჯავახიშვილმა, ფეისბუქზე დაწერა, რომ თანამდებობას ტოვებს: "მე ვეღარ ვხედავ ჩემს როლსა და რესურსს ამ მიმართულებით: ევროპისკენ მივდიოდე და ევროპისგან ვიცავდე თავს".