მოკლედ: საქართველოს სახალხო დამცველის აპარატის ინფორმაციით, გუშინ, 28 აპრილს, რუსული კანონის საპროტესტო აქციის დროს დაკავებული ალექსი პეტრიაშვილი დიღმის დროებითი მოთავსების იზოლატორშია და მას ფიზიკური დაზიანებები არ აღენიშნება.

დეტალები: მათივე ცნობით, ალექსი პეტრიაშვილმა სთხოვა, შეისწავლონ მისი დაკავების საკითხი და დააარქივონ დაკავების კადრები.

  • "სახალხო დამცველის წარმომადგენლები მთელი ღამის მანძილზე ადგენდნენ აქციაზე დაკავებული პირების ადგილსამყოფელს".

კონტექსტი: გუშინ, 28 აპრილს, რუსული კანონის საპროტესტო აქციაზე, პეტრიაშვილი, აქციის ორგანიზატორებთან ერთად, პოლიციას სთხოვდა, ქართული ოცნების მიერ დაგეგმილი კონტრაქციისთვის მომზადებულ სცენაზე ასვლის საშუალება მიეცათ რამდენიმე ადამიანისთვის, საქართველოსა და ევროკავშირის დროშებით.

  • პოლიციასა და აქციის მონაწილეებს შორის მოხდა ფიზიკური დაპირისპირება.
  • სავარაუდოდ, სწორედ ამ დროს დააკავეს პეტრიაშვილი.