მოკლედ: ევროპარლამენტში ინიციირებული ერთ-ერთი რეზოლუციის თანახმად, შესაძლოა, დასანქცირდეს ყველა დეპუტატი, ვინც, რუსული კანონის მიღების შემთხვევაში, ამ კანონპროექტს მხარს დაუჭერს.

დეტალები: რეზოლუციაში ვკითხულობთ, რომ:

ევროპარლამენტი გამოხატავს სერიოზულ შეშფოთებას ქართული ოცნების მიერ პარლამენტში უცხოური გავლენის აგენტების შესახებ კანონპროექტის ხელახალი შემოტანის გამო;

• მიიჩნევს, რომ კანონმდებლობა შეუთავსებელია ევროკავშირის ღირებულებებთან და დემოკრატიულ პრინციპებთან.
• ასევე, ხაზს უსვამს, რომ კანონპროექტი არღვევს მინიმუმ ორ ნაბიჯს 9 დათქმიდან, რომელიც ევროკავშირში გასაწევრიანებლად უნდა შეგვესრულებინა.

ასევე, გამოხატავს შეშფოთებას, რომ რუსული ტიპის აქტის მიღება სერიოზულად დააზარალებს საქართველოს პროევროპულ გზას და მიიჩნევს რომ ვიდრე ასეთი კანონმდებლობა არის ქართული სამართლებრივი წესრიგი ნაწილი, ნებისმიერი გადაწყვეტილება, რომელიც გაწევრიანების შესახებ მოლაპარაკებების დაწყების რეკომენდაციას ეხება, სამუდამოდ უნდა შეწყდეს.

• ევროპარლამენტს, ასევე, მიაჩნია, რომ კანონპროექტის ხელახალი შემოტანით, ხელისუფლების მიერ 2023 წელს აღებული საჯარო ვალდებულებების დარღვევით, ზიანდება საქართველოს რეპუტაცია და საფრთხის ქვეშ დგება მისი ევროატლანტიკური მისწრაფებები, რადგან კანონპროექტი საქართველოს იმავე გზაზე აყენებს,რომელზეც რუსეთი და სხვა მისი თანამოაზრე ქვეყნები დგანან.
• ასევე, შეშფოთებას გამოთქვამს, რომ კანონი ძირს უთხრის დამოუკიდებელი არასამთავრობო ორგანიზაციებისა და მედია საშუალებების მუშაობას, ეს უწყებები კი ყველაზე ეფექტიანი საშუალებებია ხელისუფლების საქმიანობის შემოწმებისა და მონიტორინგისთვის;
• ევროპარლამენტი მიიჩნევს, რომ ასეთი კანონმდებლობა ეწინააღმდეგება ქართველი ხალხის მისწრაფებებს;
• აცხადებს, რომ დგას ქართველი ხალხის გვერდით, ვინც ამ კანონპროექტს აპროტესტებს და მხარს უჭერს მათ მისწრაფებებს, იცხოვრონ კორუფციისგან თავისუფალ ქვეყანაში, რომელიც სრულად სცემს პატივს პოლიტიკურ თავისუფლებას, თავისუფალ მედიას და ღია საზოგადოებას, იცავს ადამიანის უფლებებს;

ევროპარლამენტი მიიჩნევს, რომ კანონის მიღების შემთხვევაში, ევროკავშირმა სანქციები უნდა დაუწესოს საქართველოს პარლამენტის ყველა წევრს, ვინც მის სასარგებლოდ მისცა ხმა.

• ასევე, კიდევ ერთხელ მოუწოდებს საბჭოს, განიხილოს ქართული ოცნების საპატიო ლიდერისთვის, ბიძინა ივანიშვილისთვის სანქციების დაწესება.

რეზოლუციის ავტორებს შორის არიან მირიან ლექსმანი, მაიკლ გალერი, რასა იუკნევიჩიენე, დევიდ მაკალისტერი, ანდრიუს კუბილიუსი.

ბოლო ხაზი: ამ რეზოლუციის გარდა, ევროპარლამენტში ინიციირებულია კიდევ 3 პროექტი.

• ევროპარლამენტის წევრები საქართველოში ინიციირებულ რუსულ კანონზე დღეს მსჯელობენ.
• ამ საკითხზე რეზოლუციას 25 აპრილს მიიღებენ.