რა ხდება: შსს-მ ტრეფიკინგის ბრალდებით 43 წლის კაცი დააკავა.

დეტალები: გამოძიებით დადგინდა, რომ ბრალდებულმა ადამიანებით ვაჭრობის სქემა შეიმუშავა.

  • ამის შემდეგ კი ოთხ ადამიანს, ფსიქოლოგიური ზეწოლით და ფიზიკური ანგარიშსწორების მუქარით, საკუთარ ფერმაში ამუშავებდა.
  • კაცმა მათ აუკრძალა ფერმის ტერიტორიის დატოვება და მობილურით სარგებლობა.
  • ასევე, ოთხივეს აიძულებდა შეესრულებინათ მისი ნებისმიერი მითითება, თუნდაც ეს არ ყოფილიყო ფერმაში მუშაობასთან დაკავშირებული.
  • თუ ამ მოთხოვნების შესრულებაზე უარს იტყოდნენ, ან — შესრულებული სამუშაოთი უკმაყოფილო დარჩებოდა, ბრალდებული მათ ფიზიკურად უსწორდებოდა.

შსს-ს მიერ გავრცელებულ ვიდეოში, სადაც, შრომის ინსპექციის სამსახურის წარმომადგენელი დაზარალებულს ესაუბრება, კაცი ამბობს, რომ მისი პირადობის მოწმობა "დამსაქმებელს" აქვს, ისევე, როგორც მისი მობილური ტელეფონი.

  • მეორე დაზარალებული კი ამბობს, რომ 2 თვეა ხელფასი არ აუღია.

ბრალის დამტკიცების შემთხვევაში, დაკავებულს 15 წლამდე პატიმრობა ემუქრება.