მოკლედ: შრომის ინსპექციამ თბილისის ოპერისა და ბალეტის თეატრში შრომითი უფლებების დარღვევა გამოავლინა.

  • ამის შესახებ ინფორმაციას მეცნიერების, განათლებისა და კულტურის პროფკავშირი ავრცელებს.

დეტალები: პროფკავშირის მიხედვით, შრომის უსაფრთხოებაზე ზედამხედველობის დეპარტამენტებმა, შრომის უსაფრთხოების 12 და შრომითი უფლებების 7 დარღვევა გამოავლინა.

დეპარტამენტმა, დარღვევების საფუძველზე, ადმინისტრაციული სამართალდარღვევის ოქმები და მითითებები გამოწერა.

  • დარღვევების აღმოსაფხვრელად, ოპერის სამხატვრო ხელმძღვანელს ბადრი მაისურაძეს, 30 დღიანი ვადა მიეცა.
  • "თუ არსებული დარღვევები აღმოიფხვრა ოპერის თანამშრომელთა შრომითი პირობები გაუმჯობესდება, ეს კი ცალსახად არის იმ ადამიანების დამსახურება ვინც ოპერაში გამეფებული უსამართლობის წინააღმდეგ ხმა აიმაღლა", — წერს კულტურის პროფკავშირი.

კონტექსტი: 2023 წლის 3 ნოემბერს თბილისის ოპერისა და ბალეტის თეატრის ტექნიკური პერსონალი გაიფიცა, მათი მთავარი მოთხოვნა ხელფასების მატება იყო.

  • გაფიცულთა განცხადებით, მიუხედავად სამუშაო მოცულების ინტენსიური ზრდისა, ხელფასები მიზერულია და მისი რაოდენობა წლების განმავლობაში არ შეცვლილა.
  • პროფკავშირი წერდა, რომ ტექნიკურ პერსონალთა ანაზღაურება, დაახლოებით, 500 ლარი იყო.

29 დეკემბერს, თბილისის ოპერისა და ბალეტის თეატრის ადმინისტრაციამ გაფიცული 17 თანამშრომელი სამსახურიდან გაათავისუფლა. მეორე დღეს ადმინისტრაციამ განაცხადა, რომ

  • "თეატრის ფუნქციონირება ვერ იქნება დამოკიდებული თანამშრომელთა ცალკეული ნაწილის ნებაზე" და თეატრმა, გაფიცული თანამშრომლების ნაცვლად, "სხვა პირების მობილიზება უზრუნველყო".