ცნობილი ავსტრალიელი მსახიობი და კომიკოსი რებელ უილსონი მალე მემუარებს, სახელად Rebel Rising-ს, გამოუშვებს. People-თან ახლახან მიცემულ ინტერვიუში რებელმა მემუარებისა და პირადი ცხოვრების შესახებაც ისაუბრა. მსახიობის თქმით, სექსი პირველად 35 წლის ასაკში ჰქონდა.

"ადამიანებს შეუძლიათ, იმ მომენტს დაელოდონ, როცა მზად იქნებიან. მართალია, ჩემსავით თქვენს 30-იან წლებს არ უნდა ელოდონ, მაგრამ ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ", — განაცხადა მსახიობმა.

44 წლის მსახიობმა გაიხსენა, რომ თინეიჯერობისას ქალიშვილობის გამო თავს უხერხულად ხშირად აგრძნობინებდნენ და როცა საუბარი ამ თემაზე ჩამოვარდებოდა, დიალოგს გაურბოდა. ახლა კი რებელს სურს, რომ თავისი ისტორიით საზოგადოებას პოზიტიური მესიჯი გაუგზავნის.

ფოტო: Getty Images

შეგახსენებთ, რომ რებელ უილსონი 2022 წელს დაქამინგაუთდა. 2022 წლის ივნისში უილსონმა პრაიდის თვის აღსანიშნავად ინსტაგრამზე პოსტი გამოაქვეყნა და თავისი პარტნიორის ვინაობაც გაამხილა — იგი სამოსის ბრენდის დამფუძნებელი რამონა აგრუმაა. მსახიობის თქმით, მთელი ეს დრო პრინცი კი არა, დისნეის პრინცესა სჭირდებოდა.

"20 წლის შემდეგ რომ დავბადებულიყავი, ჩემი სექსუალობა ალბათ უფრო ადრე გამოვლინდებოდა. თავიდან უბრალოდ ვიცოდი, რომ კაცები მიზიდავდა და ეს იყო ნორმალური", — დასძინა მსახიობმა.

რებელ უილსონი რამონა აგრუმაზე გასულ წელს Disneyland-ში დაინიშნა. რაც შეეხება Rebel Rising-ს, მსახიობის მემუარები 2 აპრილს გამოვა.