რა ხდება: აზერბაიჯანში დააკავეს კაცი, რომელიც ქვეყანაში ტერაქტებს გეგმავდა.

  • ინფორმაციას აზერბაიჯანის სახელმწიფო უსაფრთხოების სამსახურზე დაყრდნობით, რუსული მედია ავრცელებს.
  • კაცი რუსეთში, მურმანსკში ცხოვრობდა.

დეტალები: ოფიციალური ცნობით, 36 წლის ბაჰრუზ ასკეროვი ამზადებდა ტერაქტს და ეძებდა თანამზრახველებს, რომლებიც რესპუბლიკის სხვადასხვა რეგიონში ცხოვრობდნენ. ასევე, აძლევდა მათ მითითებას ლანკარანის საქალაქო ადმინისტრაციის ხელმძღვანელის მკვლელობისთვის.

  • ასკაროვმა დაავალა თანამზრახველს, მოეკლა უცხო ქვეყნის მოქალაქე, რომელიც ქვეყნის ერთ-ერთ რეგიონში ინგლისურს ასწავლის.
  • უშიშროების ძალების მოქმედების შედეგად, ასკეროვი დააკავეს და ტერაქტის მომზადების მუხლით წაუყენეს ბრალი.
  • ქვეყნის ხელისუფლება, ასევე, იუწყება, რომ ასკეროვი გეგმავდა სამხედრო წვრთნების ორგანიზებას იმ ადამიანებისთვის, ვისთანაც მან კონტაქტი დაამყარა „უცხო სახელმწიფოს ტერიტორიაზე“, მაგრამ სამართალდამცველებმა ეს აღკვეთეს.