მოკლედ: როგორც საგარეო საქმეთა სამინისტროში On.ge-ს უთხრეს, ამ ეტაპზე, არ აქვთ ინფორმაცია, რომ მოსკოვში ტერაქტის შედეგად გარდაცვლილთა და დაშავებულთა შორის, შესაძლოა, საქართველოს მოქალაქეები იყვნენ.

რა მოხდა: გუშინ, 22 მარტს, მოსკოვში, საკონცერტო დარბაზ კროკუს სითი ჰოლში, სადაც ჯგუფ პიკნიკის კონცერტი მიმდინარეობდა, შეიარაღებულმა პირებმა ცეცხლი გახსნეს, შემდეგ კი ყუმბარები ისროლეს.

შედეგად შენობაში ძლიერი ხანძარი გაჩნდა.

  • ამ დროის მონაცემებით, დაიღუპა, სულ მცირე, 93 ადამიანი, დაშავდა 115.
  • შენობაში გაჩენილი ხანძრის ლოკალიზებას მეხანძრეები მთელი ღამის განმავლობაში ცდილობდნენ.
  • მოსკოვში მომხდარ ტერაქტზე პასუხისმგებლობა ისლამურმა სახელმწიფომ (ISIS) აიღო.

მსგავსი: ვინ დგას ტერაქტის უკან მოსკოვში, რომლის შედეგადაც, სულ მცირე, 60 ადამიანი დაიღუპა — დეტალები

კრემლის პრესსამსახურის ინფორმაციით, ვლადიმირ პუტინს ეფ-ეს-ბეს ხელმძღვანელმა უთხრა, რომ დააკავეს 11 ადამიანი, მათ შორის, 4 ტერორისტი, რომელიც მონაწილეობდა კროკუს სითი ჰოლში მომხდარ ტერაქტში.

გაიგე მეტი: პუტინი, რომელმაც არჩევნებში ხმების 87% მიიღო, ტერაქტის შემდეგ ხალხისთვის მიმართვას არ აპირებს