ოლივია როდრიგომ ალბომ Guts-ის დელუქს ვერსია გამოუშვა, რომელსაც Guts Spilled ჰქვია და 5 ახალ სიმღერას აერთიანებს. მომღერალმა ერთ-ერთისთვის მუსიკალური ვიდეოც გადაიღო.

ოლივია სიმღერას, სახელად Obsessed, მუსიკალური ტურნეს ყველა კონცერტზე ასრულებს, თუმცა აქამდე ამ და სხვა სამი სიმღერის მოსმენა მხოლოდ იმ გულშემატკივრებს შეეძლოთ, რომელთაც Guts-ის ვინილის ჩანაწერი ჰქონდათ. იმის გამო, რომ ფანებში სიმღერამ დიდი მოწონება დაიმსახურა, ოლივიამ ის ოფიციალურადაც გამოუშვა და მუსიკალური კლიპითაც გაგვანებივრა.

სიმღერაში ოლივია გამოტყდება, რომ თავისი შეყვარებულის ყოფილზეა ჩაციკლული და მუდმივად მასზე ფიქრობს. მუსიკალური კლიპი სწორედ ამ თემატიკას ეხება — ვიდეოში ოლივია თავისი შეყვარებულის ყველა ყოფილისთვის წვეულებას მართავს, სადაც თითოეულ მათგანს სილამაზის კონკურსის მსგავსად, ლენტი უკეთია, თუმცა მაგ. "მის მსოფლიოს" ნაცვლად, ზედ ამ შეყვარებულთან დაკავშირებული ისტორია აწერიათ.

ვიდეოში ლენტებზე ისეთ ფრაზებს ვხვდებით, როგორებიცაა: "მის ფიქრობდა, რომ ის ერთადერთი იყო"; "მის საზაფხულო ბანაკი 8 წლის წინ"; "მის დედამისის ფავორიტი"; "მის კვლავ მისი უახლოესი მეგობარი" და ა.შ.

ოლივიამ სხვა 4 სიმღერაც გამოუშვა, რომელთა შორისაცაა: Girl I’ve Always Been, Scared of My Guitar და Stranger. ერთ-ერთი მათგანია So American, რომელიც არც ერთ ვინილზე არ იყო და ოლივიამ ახლახანს ჩაწერა.

იხილეთ ასევე: