პრეზიდენტმა გიორგი მარგველაშვილმა საარჩევნო კოდექსში შესატან ცვლილებებს ვეტო დაადო. დღეს, 20 ივლისს გამართულ ბრიფინგზე, მარგველაშვილმა განაცხადა, რომ აღნიშნული კანონით, ერთის მხრივ მეტი შესაძლებლობა ეძლევა მმართველ პარტიას და მეორეს მხრივ, არჩევნების შედეგები აღარ იქნება ასახული ცესკოს შემადგენლობაში:

"ცვლილებები ერთის მხრივ, თვითმმართველობის მნიშვნელობას აკნინებს და მეორეს მხრივ, ასუსტებს ცესკოს - საარჩევნო ადმინისტრაციის მიმართ ნდობის ხარისხს. პოლტიკური პლურალიზმი კიდევ უფრო უნდა გაღრმავდეს საარჩევნო სტრუქტურებში".

საარჩევნო კოდექსში შესატანი ცვლილებებით, საარჩევნო ადმინისტრაციაში პარტიების მიერ წევრების დანიშვნა დამოკიდებული იქნება პარტიის მიერ ბოლო საპარლამენტო არჩევნებში მიღებული ხმების რაოდენობაზე. დღევანდელი წესით, საარჩევნო კომისიებში წევრის დანიშვნა პარტიის მიერ სახელმწიფო ბიუჯეტიდან მიღებულ დაფინანსებაზეა დამოკიდებული.