მილი ბობი ბრაუნსა და ჯეიკ ბონ ჯოვის უცნაური ამბების მსახიობი მეთიუ მოდინი დააქორწინებთ. მილი ფართო საზოგადოებამ Stranger Things-ში თერთმეტის როლით გაიცნო, მეთიუ კი სერიალში მილის პერსონაჟის მამობილის, მეცნიერი მარტინ ბრენერის როლს ასრულებს.

ამ სიახლის შესახებ მოდინმა ცოტა ხნის წინ თავადვე ისაუბრა და თქვა, რომ მისთვის დიდი პატივია, წყვილთან ერთად, საკურთხეველთან იდგეს და საქორწინო ცერემონიას გაუძღვეს.

"ლიცენზია მაქვს, რომელიც უფლებას მაძლევს, წყვილები დავაქორწინო. მილიმ და ჯეიკმა იფიქრეს, რომ ეს შესანიშნავი იდეა იქნებოდა. მათთვის საქორწინო ფიცი უკვე დავწერე და ძალიან მოეწონათ. ამ პირობებს ერთმანეთს ცერემონიაზე მისცემენ, მე კი ცოლ-ქმრად გამოვაცხადებ. ჩემი აზრით, ამ მნიშვნელოვან ცერემონიაში მონაწილეობა საოცარი შეგრძნებაა", — აღნიშნა მსახიობმა.

Stranger Things-ის 20 წლის ვარსკვლავი მილი ბობი ბრაუნი შეყვარებულ ჯეიკ ბონ ჯოვიზე აპრილში დაინიშნა, მას შემდეგ, რაც წყვილი ერთმანეთს 2 წელზე მეტხანს ხვდებოდა. ჯეიკი ცნობილი მომღერლის, ჯონ ბონ ჯოვის შვილია, თუმცა მათ ქორწილში მუსიკოსი არ იმღერებს. მილიმ ინსტაგრამზე ჯეიკთან ერთად ფოტო გამოაქვეყნა, რომელშიც ვარსკვლავს ნიშნობის ბეჭედი უკეთია. ფოტოს აღწერაში ტეილორ სვიფტის სიმღერის, Lover-ის ტექსტსაც ვკითხულობთ.

მეთიუ მოდინი უცნაურ ამბებში მისტიკური მეცნიერის როლს ასრულებს, რომელსაც თერთმეტთან ჩახლართული ურთიერთობა აქვს. მეცნიერი მასზე და სხვა ბავშვებზე ექსპერიმენტებს ატარებდა, თუმცა პარალელურად, მილის პერსონაჟი გაზარდა კიდეც, რის გამოც თერთმეტი მას მამას ეძახის. ამ ორის ურთიერთობას შოუს პირველ, მე-2 და მე-4 სეზონებში ვხედავთ. ჯერჯერობით, უცნობია, დაბრუნდება თუ არა მარტინ ბრენერის პერსონაჟი სერიალის ფინალში, თუმცა თავად მსახიობი ამასაც არ გამორიცხავს.

იხილეთ ასევე: