უცნაური ამბების ფანები სულმოუთქმელად ველოდებით ნეტფლიქსის ერთ-ერთი ყველაზე წარმატებული სერიალის მე-5, ფინალურ, სეზონს. თუმცა ფინალის გარდა, კიდევ ერთი სიურპრიზი გველოდება: ძმები დაფერები უცნაური ამბების ანიმაციურ სერიალზე მუშაობენ.

დაფერების თქმით, ბავშვობაში შაბათ დილას სულ ანიმაციებს უყურებდნენ და თავადაც ყოველთვის ოცნებობდნენ, უცნაური ამბების სამყაროს შესახებ მსგავსი ანიმაციური სერიალი შეექმნათ. როგორც ამბობენ, მათთვის აღნიშნული პროექტი ახდენილი ოცნებაა.

ჯერჯერობით უცნობია, კონკრეტულად როდის განვითარდება ანიმაციაში მოქმედებები ან რა მოვლენებზე იქნება დაფუძნებული სიუჟეტი. დაფერების თქმით, პროექტზე უკვე დიდი ხანია, მუშაობენ.

რაც შეეხება თავად სერიალის ბოლო სეზონს, გადაღებები ზაფხულში დაიწყება, ამიტომ ისღა დაგვრჩენია, მოთმინება ვიქონიოთ და ფინალის შესახებ ახალ-ახალი თეორიების შეთხზვით გავირთოთ თავი.

ამავე თემაზე:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…