გაფრთხილება: სტატია Stranger Things-ის შესახებ სპოილერებს შეიცავს

როგორც ვიცით, ნეტფლიქსის პოპულარული სერიალი Stranger Things ბოლო სეზონით ბრუნდება, თუმცა შოუს გამოსვლის თარიღი ჯერჯერობით უცნობია. იქამდე კი, ისღა დაგვრჩენია, თავი ახალი თეორიების შეთხზვით გავირთოთ და შეგახსენოთ, რა ვიცით უცნაური ამბების მე-5 სეზონზე.

1. სერიალი მე-5 სეზონით დასრულდება, ამიტომ ჩვენს საყვარელ პერსონაჟებთან გამომშვიდობება მოგვიწევს

მართალია, Stranger Things-ს ამ სეზონში ვემშვიდობებით, თუმცა ნეტფლიქსმა უკვე დაანონსა, რომ უცნაური ამბების მიხედვით ანიმაციურ სერიალს გამოუშვებს.

2. სერიალის ცენტრალურ პერსონაჟებს მე-5 სეზონშიც უცვლელად ვიხილავთ

3. სერიალის გადაღებები მაისში ან ივნისში უნდა დაწყებულიყო

4. თუმცა უცნაური ამბების შემქმენელმა ძმებმა დაფერებმა დაადასტურეს, რომ გადაღებები გაფიცვის გამო შეჩერებულია

"გადაღებების დაწყებისას სცენარის წერა არ წყდება. მიუხედავად იმისა, რომ სულმოუთქმელად ველით ჩვენს საოცარ მსახიობებთან და გადამღები გუნდის წევრებთან ერთად სერიალის გაგრძელებას, გაფიცვის გამო ეს შეუძლებელია. ვიმედოვნებთ, რომ სამართლიან შეთანხმებას მალე მივაღწევთ და მუშაობას დავუბრუნდებით", — ვკითხულობთ განცხადებაში.

5. მე-5 სეზონის პირველ ეპიზოდს The Crawl (ცოცვა) ერქმევა

6. ახალი სეზონის სიუჟეტის შესახებ ბევრი ინფორმაცია არ გვაქვს, თუმცა უილის როლის შემსრულებელმა მსახიობმა ნოა შნაპმა დაადასტურა, რომ სერიალის დასასრულს მისი გმირის ბედი მნიშვნელოვან როლს ითამაშებს

"ისტორია უილით დაიწყო და უილით დამთავრდება", — აცხადებს მსახიობი. ასევე მისი აზრით, შოუს იდეალური დასასრული აქვს.

7. სცენარისტების თქმით, მაქსის კომაში ყოფნა ფინალური სეზონის სიუჟეტზე დიდ გავლენას მოახდენს

ჯერჯერობით არ ვიცით, მოვა თუ არა გონს მაქსი, თუმცა მისი როლის შემსრულებელი სეიდი სინკი აცხადევს, რომ მისი აზრით, თუ მაქსი გაიღვიძებს, ჰოუკინსიდან გაქცევასა და მეგობრების დახმარებას შორის დილემის წინაშე დადგება.

8. შემქნელების თქმით, მეხუთე სეზონი სტილით პირველ, ხოლო მასშტაბურობით კი მეოთხე სეზონს ჰგავს

"Stranger Things-ის პირველ და მეოთხე სეზონს რომ შვილი ჰყოლოდათ, რომელსაც სტეროიდებით გაჭყიპავდნენ, მეხუთე სეზონს მივიღებდით", — ვკითხულობთ ტვიტში.

9. ვარაუდობენ, რომ მე-5 სეზონსაც ისეთივე მაღალი ბიუჯეტი ექნება, როგორც წინა სეზონს ჰქონდა

შეგახსენებთ, რომ მე-4 სეზონის თითოეულ სერიაზე საშუალოდ 30 მლნ დაიხარჯა.

10. შოუს სცენარისტებმა, ძმებმა დაფერებმა და აღმასრულებელმა პროდიუსერმა, შონ ლევიმ აღნიშნეს, რომ მას შემდეგ რაც ნეტფლიქსის გუნდს ახალი სეზონის სცენარი გააცნეს, გუნდმა ცრემლები ვერ შეიკავა, რასაც კარგის ნიშნად თვლიან

11. ბოლო სეზონში სცენარისტებმა ბევრი ახალი პერსონაჟის შემოყვანისგან თავი შეიკავეს და გადაწყვიტეს, მთავარ პერსონაჟებზე ფოკუსირდნენ

"ყოველთვის, როდესაც სერიალში ახალი პერსონაჟი შემოგვყავს, გვინდა ის მაყურებელმა კარგად გაიცნოს და სიუჟეტის ორგანული ნაწილი გახდეს, თუმცა როცა ამას ვაკეთებთ, უკვე არსებულ მთავარ პერსონაჟებს ვაკლებთ დროს, ამიტომ თითოეული ახალი გმირის დამატებისას ძალიან ფრთხილად ვართ", — აცხადებენ შემქმნელები.

12. პროდიუსერი შონ ლევი აცხადებს, რომ მე-5 სეზონში მოვლენები უფრო მეტად ქალაქ ჰოუკინსში განვითარდება და არა მთელ ამერიკაში, როგორც ეს წინა სეზონში ხდებოდა

13. მე-5 სეზონში დროში ნახტომს უნდა ველოდოთ

14. ახალი ეპიზოდები, წინა სეზონისგან განსხვავებით, უფრო მოკლე იქნება

წინა სეზონის თითოეული სერია 1 საათზე მეტხანს გრძელდებოდა, ფინალური ეპიზოდი კი 150 წუთს, თუმცა სცენარისტების თქმით, იგივე ახალ სეზონში აღარ მოხდება. მიუხედავად ამისა, ისინი გრძელ ფინალური სერიას გვპირდებიან.

15. შემქნელები ამბობენ, რომ უცნაური ამბების ბოლო სეზონი სავარაუდოდ 2025 წელს გამოვა

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…

ამავე თემაზე:

• Stranger Things-ის ედის შესახებ წიგნი გამოვა
• მაია ჰოუკს უნდა, რომ Stranger Things-ის მე-5 სეზონში რობინი მოკვდეს
• Stranger Things-ის 12 სევდიანი მომენტი, რომელმაც ცხარე ცრემლით გვატირა
• ტესტი: გადარჩებოდი თუ არა Stranger Things-ის სამყაროში?
• ტესტი: Stranger Things-ის რომელი პერსონაჟი ხარ?