მოკლედ: საქართველოს პრეზიდენტის ადმინისტრაციის ინფორმაციით, UFC-ის ჩემპიონს, ილია თოფურიას სალომე ზურაბიშვილი ღირსების ორდენს გადასცემს.

  • ორდენზე სპორტსმენი პრემიერ-მინისტრმა, ირაკლი კობახიძემ და პარლამენტის თავმჯდომარემ, შალვა პაპუაშვილმა წარადგინეს.

დეტალები: პრეზიდენტის ადმინისტრაციის ინფორმაციით, დაჯილდოების ცერემონია დღეს ორბელიანების სასახლეში 19:00 საათზე ჩატარდება.

  • "საქართველოს პრეზიდენტი პრემიერ-მინისტრისა და პარლამენტის თავმჯდომარის წარდგინებას მიესალმება და ეთანხმება.
  • პრეზიდენტი დაჯილდოების ცერემონიაზე პრემიერ-მინისტრს და პარლამენტის თავმჯდომარეს ეპატიჟება. სამივე შტოს მონაწილეობა, ამ ცერემონიაში, ასეთ საკითხებზე, ეროვნული თანხმობის ნიშანია", — ნათქვამია ადმინისტრაციის განცხადებაში.

ბოლო ხაზი: UFC-ის ჩემპიონი ილია თოფურია საქართველოში, პრემიერ-მინისტრ ირაკლი კობახიძის მოწვევით, 18 მარტს ჩამოვიდა.